ევროპაში პირველი წყალქვეშა რესტორანი ნორვეგიაში გაიხსნება

Under-ი ევროპაში პირველი წყალქვეშა რესტორანი იქნება. მშენებლობის პროცესი იანვრის შუა რიცხვებში დაიწყო და რესტორანი 2019 წლის მარტში გაიხსნება.

რესტორანი სამხრეთ ნორვეგიაში შენდება. შესასვლელი ზღვის დონიდან სამი მეტრის სიმაღლეზე იქნება, თავად რესტორანი კი ზღვაში, 5 მეტრ-ნახევარ სიღრმეში. გათვლილია 100 ადამიანზე.

სურათები ცხადყოფს, რომ სტუმრები შეძლებენ ზღვის ფსკერისა და მისი ველური სამყაროს დანახვას, 11 მეტრი სიგანის ფანჯრიდან. სტრუქტურას ორმაგი დანიშნულება ექნება. მკვლევრები შეძლებენ, რესტორანი საზღვაო ბიოლოგიის შესასწავლად გამოიყენონ.

ნორვეგია ელოდება, რომ Under-ი მსოფლიოში ყველაზე დიდი წყალქვეშა რესტორანი გახდება.