გიგანტური ანაკონდას გამო, ბრაზილიის ავტომაგისტრალზე მოძრაობა გაჩერდა

მძღოლებმა, რომლებიც ბრაზილიაში, პორტუ-ველიუს ავტომაგისტრალზე მოძრაობდნენ, მანქანები გააჩერეს, რათა გიგანტურ ანაკონდას გზა უსაფრთხოდ გადაეკვეთა.

მანქანიდან უამრავი მძღოლი ჩამოვიდა, რათა დაახლოებით 3 მეტრიანი რეპტილიისთვის, რომელიც გზას კვეთდა, ვიდეო გადაეღო.

ბრაზილიაში ასეთი ფაქტები იშვიათი არ არის, თუმცა ხალხი თვალყურს ყოველთვის დიდი ინტერესით ადევნებს. ეს ვიდეოკადრები ბრაზილიურ ტელევიზიებშიც მოხვდა.

ექსპერტები ამბობენ, რომ ანაკონდა თავშესაფარს ან საკვებს ეძებდა.